Кегейли районындағы Жүзимбағ аўыл пуқаралар жыйыны «Арал агро» жуўапкершилиги шекленген жәмийетиниң жер майданында тоқсанбасты усылында егинлерди егиў, соның ишинде, пияз ҳәм чеснок егинлерин егиў бойынша көргизбели семинар болып өтти.
Семинарға аймақтағы сектор басшылары, район ҳәкимлигиниң жуўапкер хызметкерлери, жергиликли өзин-өзи басқарыў уйымларының баслықлары, тийисли мәкеме, кәрхана ҳәм шөлкемлердиң басшылары ҳәм фермерлер қатнасты.
Онда Өзбекстан фермер, дийқан хожалықлары ҳәм қыйтақ жер ийелери кеңесиниң бөлим баслығы М.Мухаммадиев, Қарақалпақстан фермер, дийқан хожалықлары ҳәм қыйтақ жер ийелери кеңеси бөлим баслығының орынбасары А.Ажимов ҳәм басқалар шығып сөйлеп, сентябрь-октябрь айларында пияз ҳәм чеснок, сондай-ақ, тоқсанбасты усылында палыз егинлерин егиў, оларды тәрбиялаў бойынша усыныс ҳәм көрсетпелер берди.
Қарақалпақстан хабар агентлиги