Нөкистеги «Гүрес орайы»нда Бердақ атындағы Қарақалпақ мәмлекетлик университети Дене мәденияты факультети тәрепинен спорттың миллий гүрес түринен «ҚМУ ректорының ашық кубоги» өткерилди.
Президентимиздиң «Гүрес миллий спорт түрин раўажландырыў ҳәм оның халықаралық абырайын және де арттырыў илажлары ҳаққында»ғы қарарының орынланыўы шеңберинде шөлкемлестирилген беллесиўде республикамыз ҳәм Хорезм ўәлаятынан 100 ден аслам студентлер қатнасты.
Еки күн даўам еткен жарыста ул балалар 66, 73, 81 ҳәм оннан аўыр салмақта, ал, ҳаял-қызлар 57 ҳәм оннан аўыр салмақ категорияларында гилемге түсти. Беллесиўде белсене қатнасқан ҳәм жеңимпаз болған спортшылар шөлкемлестириўшилер тәрепинен қымбат баҳалы саўғалар ҳәм дипломлар менен сыйлықланды.
Қарақалпақстан хабар агентлиги