Елимизде белгили мәмлекетлик ғайраткер, Өзбекстан Қаҳарманы Муса Тәжетдинович Ерниязовтың 75 жыллығы кеңнен белгиленеди. Бул ҳаққында Қарақалпақстан Республикасы Жоқарғы Кеңесиниң Мәлимлеме хызмети хабар бермекте.
Қарақалпақстан Республикасы Жоқарғы Кеңеси ҳәм Министрлер Кеңеси, Мәҳәлле ҳәм нураныйларды қоллап-қуўатлаў министрлигиниң усынысына тийкарланып Өзбекстан Республикасы Министрлер Кабинети «Белгили мәмлекетлик ғайраткер, Өзбекстан Қаҳарманы Муса Тәжетдинович Ерниязовтың 75 жыллығын кең түрде белгилеў ҳаққында» қарар қабыл етти.
Қарарға муўапық, 2022-жыл декабрь айының екинши он күнлигинде Нөкис қаласында бай билим ҳәм тәжирийбеси менен елимиздиң раўажланыўы жолында аянбай мийнет еткен белгили жәмийетлик ғайраткер Муса Тәжетдинович Ерниязовтың туўылғанына 75 жыл толыўы мүнәсибети менен еслеў кешеси өткериледи.
Қарақалпақстан хабар агентлиги