Олий Мажлис Сенатының Баслығы Танзила Норбоеваның Латвия Республикасы сыртқы ислер министри Эдгарс Ринкевичс пенен ушырасыўы болып өтти.
Сөйлесиў ўақтында Өзбекстан ҳәм Латвия арасындағы бирге ислесиўдиң ҳәзирги жағдайы ҳәм келешеги, соның ишинде, парламентлераралық бирге ислесиў мәселеси додаланды.
Э.Ринкевичс Өзбекстан Республикасы Президенти Шавкат Мирзиёевтиң басшылығында әмелге асырылып атырған регионаллық сиясатқа, Орайлық Азияда тынышлық ҳәм турақлылықты беккемлеў бағдарындағы ҳәрекетлерге жоқары баҳа берди.
Кейинги жыллары өз-ара мүнәсибет турақлы раўажланып баратырғанына итибар берилди. Соның менен бирге, көплеген тараўларда еки тәреплеме пайдалы бирге ислесиўди тереңлестириў ушын үлкен потенциалдан пайдаланыў зәрүр екенлиги атап өтилди.
Мәмлекетлеримиз арасында еки тәреплеме жедел сиясий сөйлесиў және көп қырлы бирге ислесиў конструктивлик ҳәм дөретиўшилик өзгешеликке ийе екени атап өтилди.
Тәреплер барлық бағдарларда бирге ислесиўди кеңейтиўде әҳмийетли орын ийелейтуғын мәмлекетлер арасындағы парламентлераралық байланысты және де тереңлестириўден, сондай-ақ, ҳәр қыйлы дәрежеде ерисилген келисимлерди әмелде жүзеге шығарыўдан мәпдар екенин тастыйықлады.
У.Маҳмирзаев, ӨзА