Орайлық сайлаў комиссиясының Баспасөз орайында ОСК Баслығы Зайниддин Низомхўжаевтиң қатнасыўында баспасөз әнжуманы өткерилмекте.
Онда атап өтилиўинше, Өзбекстан Республикасы Президенти сайлаўы халықаралық нормалар ҳәм стандартларға тән миллий сайлаў нызамшылығымызға, онда белгиленген ашық-айдынлық, еркинлик ҳәм әдиллик сыяқлы улыўма тән алынған демократиялық принциплерге толық сай түрде, көтериңки руўхта өткерилди.
24-октябрь күнги сайлаўларда Исбилерменлер ҳәрекети – Өзбекстан Либерал-демократиялық партиясынан президентликке талабан Шавкат Мирзиёев 80,1 процент даўыс алды.
Сайлаўшылардың дизимине киргизилген 20 миллион 158 мың 907 сайлаўшыдан Өзбекстан Республикасы Президенти сайлаўында сырт еллерде даўыс берген ўатанласларымыз бенен бирге есапланғанда 16 миллион 212 мың 343 сайлаўшы қатнасты. Усы сайлаўшылар улыўма санының 80,4 процентинен ибарат болып есапланады. 421 мың 176 сайлаўшы быйылғы жыл 14 октябрьден 20-октябрьге шекем өткерилген мүддетинен алдын даўыс бериў имканиятынан пайдаланды.
Н.Насриев, ӨзА