Әжинияз атындағы Нөкис мәмлекетлик педагогикалық институтында 2021-2022-оқыў жылы ушын сүўретлеў өнери ҳәм инженерлик графикасы, музыкалық тәлим, дене мәденияты (соның ишинде, ҳаял-қызлар спорты) бакалавр тәлим бағдарларының күндизги ҳәм сыртқы топарлары ушын өткерилетуғын кәсиплик (дөретиўшилик) имтиханлар кестеси тастыйықланды.
Кәсиплик (дөретиўшилик) имтиханлары 2021-жылдың 31-июль күнинен 6-август күнине шекем төмендеги орынларда өткериледи:
Сүўретлеў өнери ҳәм инженерлик графикасы (қәлемсүўрет) – Нөкис қаласы, П.Сейитов көшеси номерсиз жай, Дене мәденияты факультети спорт залы (бурынғы Аўыл хожалығы колледжи);
Сүўретлеў өнери ҳәм инженерлик графикасы (сызыў) – Нөкис қаласы, П.Сейитов көшеси номерсиз жай, НМПИ бас имараты (бурынғы Гидро колледжи);
Музыкалық тәлим – Нөкис қаласы, П.Сейитов көшеси номерсиз жай, НМПИ бас имаратындағы киши мәжилислер залы (бурынғы Гидро колледжи);
Дене мәденияты – Нөкис қаласы, П.Сейитов көшеси номерсиз жай, бурынғы Педагогикалық колледж спорт майданшасы.
Кәсиплик (дөретиўшилик) имтиханлардың сәнеси ҳәм ўақты ҳаққында төмендеги кестеден толық мағлыўмат алыўыңыз мүмкин.
НМПИ баспасөз хызмети.