2021-жылдың биринши шерегинде сырт еллерге баҳасы 87,4 млн долларға тең жеңил автомобильлер экспорт етилген.
Атап өтилиўинше, жеңил автомобиль экспорты өткен жылдың усы дәўирине салыстырғанда 50,9 млн долларға көбейген. Өзбекстан жеңил автомобильлери тийкарынан Қазақстанға (8 468 дана) экспорт етилген. Бул экспорттың дерлик 95 процентин қурайды.
Өзбекстан жеңил автомобиль жеткерип берген мәмлекетлер:
- Қазақстан – 82,6 млн;
- Украина – 1,5 млн;
- Аўғанстан – 1,3 млн;
- Қырғызстан – 963,3 млн;
- Әзербайжан – 444,7 мың;
- Россия – 313,0 мың;
- Тәжикстан – 134,4 мың доллар.
Қарақалпақстан хабар агентлиги