Россия Федерациясы Мәмлекетлик думасы Қорғаныў комитетиниң баслығы Владимир Шамановтың басшылығындағы «Россия қаҳарманлары ассоциациясы» Пүткилроссия жәмийетлик шөлкеми делегациясы 22-апрель күни Өзбекстанға келди.
Делегация ағзалары дәслеп Өзбекстан Республикасының қорғаныў министри, генерал-лейтенант Баҳодир Қурбонов пенен ушырасты. Ушырасыўда еки мәмлекет арасындағы дослық, стратегиялық шериклик ҳәм аўқамшылық қатнасықларына айрықша тоқтап өтилди.
Бизге белгили, бүгинги күнде Россия Федерациясы ҳәм Өзбекстан қорғаныў министрликлери арасындағы әскерий бирге ислесиў жаңа басқышқа көтерилди. Әлбетте, бул ҳәр еки тәреп ушын да өз нәтийжесин бермей қалмайды.
Сапар даўамында мийманлар Жиззақ ўәлаяты Мырзашөл районының орайы Гагарин қаласында адамзат тарийхында биринши мәрте ашық космосқа ушқан космонавт Юрий Гагаринның атына қурылған Космонавтика музейиниң ашылыў мәресиминде қатнасады.
Делегация ағзалары, сондай-ақ, Өзбекстан Республикасы жоқары әскерий авиация билим орны ҳәм Өзбекстан Республикасы Қураллы Күшлери академиясында болады. Самарқанд ҳәм Бухара қалаларына барып, тарийхый-мәдений дәстүрлер ҳәм естеликлер менен танысты.
ӨзА