Карантин шеклеўлери жумсартылмақта, оқыў орайларында оқыўларды баслап турсақ бола ма? Бул сораўға билимлендириўдиң сапасын қадағалаў мәмлекетлик инспекциясы жуўап берди, деп жазады xs.uz
«Бизге белгили, елимизде коронавирус инфекциясы тарқалыўының алдын алыў мақсетинде карантин жәрияланып мәмлекетимиздеги мәмлекетлик ҳәм мәмлекетлик емес билимлендириў шөлкемлеринде жумыс тоқтатылған.
Усы мүнәсибет пенен, Республикалық арнаўлы комиссияның мәмлекетлик ҳәм мәмлекетлик емес билимлендириў шөлкемлеринде билимлендириў процесслерин даўам еттириў бойынша тийисли қарары қабыл етилгеннен соң, оқыў орайларында билимлендириў процесслерин шөлкемлестириў мүмкин болады. Усы карантин дәўиринде мәмлекетлик билимлендириў мәкемелеринде онлайн ҳәм аралықтан сабақлар шөлкемлестирилгенин инабатқа алып, оқыў орайларының жумысында да курс қатнасыўшыларына аралықтан билимлендириў шөлкемлестириўди усыныс етемиз», делинеди хабарда.
Қарақалпақстан хабар агентлиги