Наўрыз байрамы мүнәсибети менен Өзбекстан Республикасы Президенти Шавкат Мирзиёевтиң атына сырт еллерден ҳәм ҳүкиметлердиң басшыларынан қызғын қутлықлаўлар келмекте.
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Наўрыз әййямы мүәсибети менен шын жүректен қутлықлаўларымды қабыл еткейсиз.
Тынышлық ҳәм татыўлық белгиси болған Наўрыз дос халықларымызға жақсылық ҳәм берекет алып келсин.
Қазақстан ҳәм Өзбекстан арасындағы өз-ара пайдалы қатнасықлар еки тәреплеме ҳәм көп тәреплеме бағдарларда буннан былай да раўажланып барыўына исенемен.
Пурсаттан пайдаланып, Сизге, ҳүрметли Шавкат Миромонович, беккем денсаўлық, жуўапкершиликли жумысыңызда табыслар, туўысқан өзбек халқына болса тынышлық ҳәм абаданлық тилеймен.
Ҳүрмет пенен,
Нурсултан НАЗАРБАЕВ,
Қазақстан Республикасының
Биринши Президенти – Елбасы
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович, қәдирли туўысқаным!
Халықаралық Наўрыз әййямы мүнәсибети менен Сизге ҳәм Сиз арқалы туўысқан Өзбекстан халқына шын жүректен қутлықлаўларымды жоллаўға және абаданлық ҳәм раўажланыў тилеўге руқсат еткейсиз.
Тынышлық, жақсы қоңсышылық, тилеклеслик ҳәм тәбият пенен үйлесимлиликти аңлататуғын Наўрыз байрамы жаңа күн, жаңа өмир елшиси болып табылады. Пүткил инсаният бай мәдений мийрасының ажыралмас бөлеги сыпатында тән алынған бул уллы әййям уллы инсанийлық принциплерин өзинде жәмлеп, халықлар дослығын ҳәм татыўлығын беккемлеўде айрықша әҳмийетке ийе.
Бул әжайып байрам Сиз ҳәм туўысқан Өзбекстан халқына бахыт-садаат, шадлық ҳәм жаңа жеңислер алып келсин!
Терең ҳүрмет пенен,
Гурбангули БЕРДИМУҲАМЕДОВ,
Түркменстан Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Сиз ҳәм пүткил Өзбекстан халқын берекетли Наўрыз әййямы менен шын кеўилден қутлықлайман.
Инсаниятты жақсылыққа, абаданлыққа ҳәм дөретиўшиликке шақырыў Наўрызға тән әжайып қәсийет болып есапланады. Түркий дүнья ушын бирден-бир болған бул қутлы әййям еллеримиздиң дослығын буннан былай да беккемлеп, қуўаныш ҳәм берекет алып келсин.
Биргеликтеги ис-ҳәрекетлеримиз бенен беккем дослыққа ҳәм жақсы қоңсышылыққа тийкарланған Қазақстан – Өзбекстан стратегиялық шериклиги халықларымыздың абаданлығы жолында жедел раўажланып бара береди.
Бул әййям күнлеринде, ҳүрметли Шавкат Миромонович, елиңиздиң айдын келешегине қаратылған уллы басламаларыңызға ҳәм ис-ҳәрекетелриңизге табыслар, Өзбекстан халқына абаданлық ҳәм раўажланыў тилеймен.
Ҳүрмет пенен,
Қасым-Жомарт ТОҚАЕВ,
ҚазақстанРеспубликасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Сизди ҳәм дос Өзбекстан халқын халықаралық Наўрыз байрамы менен шын кеўилден қутлықлап, ең жақсы тилеклеримди жоллаў маған үлкен қуўаныш бағышлайды.
Наўрыз байрамы оны белгилейтуғын халықлардың әййемги ҳәм улыўма мәдений мийрасы сыпатында дослық, өз-ара ҳүрмет ҳәм исеним, тилеклеслик ҳәм бирге ислесиў байланысларын беккемлеп, дос еллеримиздиң буннан былай да жақын болыўына хызмет етпекте.
Буннан былай да еллеримиз арасындағы дослық байланысларын ҳәм көп қырлы бирге ислесиўди беккемлеў жолында ҳәрекет ететуғынымызға исенемен.
Бул қутлы әййям күнлеринде Сизге беккем денсаўлық, бахыт-ығбал, дос Өзбекстанның буннан былай да раўажланыўы жолында мәмлекет басшысы сыпатындағы жумысыңызда табыслар тилеймен.
Ҳүрмет пенен,
Имомали РАҲМОН,
Тәжикстан Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Қырғызстан халқы атынан ҳәм жеке өзимниң атымнан Сизди ҳәм пүткил Өзбекстан халқын Наўрыз бенен қутлықлайман!
Орайлық Азия еллери әййемнен бул байрамды айрықша қәдирлеген. Мийнет сүйгишлик, татыўлық ҳәм аўызбиршилик белгиси болған Наўрызды еллеримиз үмит ҳәм жақсы нийетлер менен күтип алмақта.
Қырғызстан Республикасы ҳәм Өзбекстан Республикасы арасындағы дослық ҳәм жақсы қоңсышылыққа тийкарланған өз-ара пайдалы бирге ислесиў ҳәм стратегиялық шериклик қатнасықлары буннан былай да еки мәмлекеттиң мәплери жолында избе-из раўажланып баратуғынына қатты исенемен.
Сизге, ҳүрметли Шавкат Миромонович, беккем денсаўлық ҳәм мәмлекет басшысы сыпатындағы жумысыңызда табыслар, туўысқан Өзбекстан халқына болса абаданлық ҳәм раўажланыў тилеймен.
Ҳүрмет пенен,
Сооронбай ЖЭЭНБЕКОВ,
Қырғызстан Республикасы Президенти
* * *
Өзбекстан Республикасы Президенти
Уллы Мәртебели Мырза Шавкат Мирзиёевқа
Ҳүрметли Шавкат Миромонович!
Әзербайжан халқы атынан ҳәм өзимниң атымнан Сизге ҳәм Сиз арқалы пүткил Өзбекстан халқына Наўрыз байрамы мүнәсибети менен ең жақсы тилеклеримди қабыл еткейсиз.
Жаңаланыў ҳәм тәбияттың ояныў белгиси болған бул берекетли байрам адамларды жақсылық ислеўге шақырады.
Бул бәҳәр әййямы Наўрыз дәстүрлерин қәдирлейтуғын халықларымызға кейпият, қуўаныш ҳәм қут-берекет келтиреди, деп исенемен.
Пурсаттан пайдаланып, Сизге беккем денсаўлық, жумысыңызда табыслар, туўысқан Өзбекстан халқына болса тынышлық ҳәм абаданлық тилеймен.
Ҳүрмет пенен,
Илҳом АЛИЕВ,
Әзербайжан Республикасы Президенти
* * *
Сондай-ақ,
Иран Ислам Республикасы Президенти Ҳасан Руҳоний
Палестина Президенти Маҳмуд Аббос
Саудия Арабстаны Патшасы Салмон бин Абдулазиз Ол Сауд
Саудия Арабстаны Патшалығының мийрасхоры, Министрлер Кабинети баслығының орынбасары, Қорғаныў министри Муҳаммад бин Салмон бин Абдулазиз Ол Сауд
Бирлескен Араб Әмирликлери Вице-президенти, Бас министри, Дубай әмирлигиниң ҳәкими шайх Муҳаммад бин Рошид Ол Мактум.
Бирлескен Араб Әмирликлери Бас министриниң орынбасары, Ишки ислер министри шайх Сайф бин Зоид Ол Наҳаён ҳәм басқалар қутлықлаў жоллаған.
Қутлықлаўлардың келиўи даўам етпекте.