Өзбекстан Республикасы Министрлер Кабинети “Мәмлекетлик бюджет қәрежетлериниӊ турақлы раўажланыў миллий мақсетлерине муўапықлығы ҳәм климат өзгериўине тәсирин көрсетип барыў (маркиорвкалаў) механизмлерин енгизиў илажлары ҳаққында” қарар қабыл етти.

Өзбекстан Республикасы Президентиниӊ “Өзбекстан –  2030” стратегиясын 2023-жылы сапалы ҳәм өз ўақтында әмелге асырыў илажлары ҳаққында” 2023-жыл 11-сентябрьдеги ПҚ-300-санлы қарарыныӊ 9-статьясында Мәмлекетлик бюджет жойбарын қәлиплестириў ҳәм орынланыў бойынша есабатларда бюджет қәрежетлериниӊ турақлы раўажланыў миллий мақсетлерине муўапықлығы ҳәм климат өзгериўине тәсирин көрсетип барыў (маркировкалаў) механизмлерин енгизиў белгиленген еди.

Өзбекстан Республикасы Экономика ҳәм қаржы министрлиги тәрепинен мәпдар министрлик ҳәм уйымлар менен биргеликте халықаралық шөлкемлер ҳәм сырт елли экспертлердиӊ қатнасыўында Мәмлекетлик бюджет қәрежетлериниӊ турақлы раўажланыў миллий мақсетлерине муўапықлығы ҳәм климат өзгериўине тәсирин көрсетип барыў (маркировкалаў) бойынша дәслепки усыныслар ислеп шығылды.

Ҳүкимет қарары менен Мәмлекетлик бюджет қәрежетлериниӊ турақлы раўажланыў миллий мақсетлерине муўапықлығы ҳәм климат өзгериўине тәсирин көрсетип барыў (маркировкалаў) концепциясы тастыйықланды.

Онда:

бюджет қәрежетлериниӊ турақлы раўажланыў миллий мақсетлерине муўапықлығы ҳәм климат өзгериўине тәсирин классификациялаў;

қәрежетлерди классификациялаўдыӊ мақсети, объекти ҳәм қамтыўы;

қәрежетлерди анықлаў ҳәм классификациялаў механизмлери;

қәрежетлерди классификациялаў ушын климат өзгериўине тәсирин жумсартыў ҳәм сәйкеслендириў илажларын белгилеў;

қәрежетлерди классификациялаў нәтийжелерин жәриялаў тәртиби белгилеп берилген.

ӨзА