23-октябрь күни Ғәрезсиз Мәмлекетлер Дослық аўқамы Парламентлер аралық Ассамблеясынан Демократияның раўажланыўы, парламентаризм ҳәм пуқаралардың сайлаў ҳуқықларына әмел етилиўин мониторинг етиў халықаралық институты мәсләҳәтшиси Юрий Николаевич Волков Қарақалпақстан Республикасы Орайлық сайлаў комиссиясында болып, комиссияның жумысы менен жақыннан танысты.
Халықаралық бақлаўшы Қарақалпақстан Республикасы Орайлық сайлаў комиссиясының баслығы Зийўатдин Камалов менен ушырасып, сайлаў комиссиясы жайласқан имаратта комиссияның жумысы ҳәм сайлаўға байланыслы мағлыўматларды көзден өткерди.
Соңынан ол Қарақалпақстан Республикасы Орайлық сайлаў комиссиясы жанындағы Баспасөз орайы хызметкерлери ҳәм комиссия ағзалары менен ушырасты.
Халықаралық бақлаўшы комиссия баслығына шын жүректен қабыллағаны ушын миннетдаршылық билдирип, буннан соң сайлаў участкаларының жумысы менен танысатуғынлығын айтып өтти.
Қарақалпақстан хабар агентлиги