Нөкис қаласында спорттың «өзбек жаўынгерлик өнери» түри бойынша жас өспиримлер арасында Қарақалпақстан кубоги ушын жарыслар болып өтти.
Оған республикамыздың барлық аймақларындағы спорт мектеплериниң тәрбияланыўшылары қатнасты.
Қызықлы өткен беллесиўлер жуўмағында, бозатаўлы жас спортшылар да бир қатар сыйлы орынларды ийелеўге миясар болды.
Атап айтқанда, өз салмақ категориялары бойынша Бозатаў районлық спорт мектебиниң тәрбияланыўшылары арасынан Мусабек Базарбаев, Динара Бахтиярова ҳәм Жасмина Далибаевалар алтын, Алишер Полатов, Малика Айтжанова ҳәм Феруза Мырзамуратовалар гүмис, Асадбек Азербаев, Ерасыл Махсетбаев, Арайлым Балтабаева, Айзия Ҳилалова, Бийбигүл Садуахасова, Ақсүңгил Адилбаева ҳәм Улбийби Нағметуллаевалар қола медальларын қолға киргизиўге еристи.
Жас спортшыларды бул жарысқа Раўаж Жақсымов таярлады.
Адилбай Оразов,
Қарақалпақстан хабар агентлиги шолыўшысы