Бүгин футбол бойынша 2026-жылы болып өтетуғын жәҳән чемпионатына таңлап алыў басқышында 4-тур ойынлары өткериледи.
Олардың биринде Өзбекстан миллий сайланды командасы Бирлескен Араб Әмирликлери сайланды командасы менен ойынға түседи.
Ушырасыў саат 19:00 де Ташкент қаласындағы «Бунёдкор» стадионында болып өтеди. Соны айтып өтиўимиз керек, Өзбекстан миллий сайланды командасы өткерилген 3 турдан соң 7 упай менен Иран менен биргеликте топар жетекшиси болып тур. Ал, Бирлескен Араб Әмирликлери сайланды командасы болса, 4 упайға ийе.
Сондай-ақ, бул турда Иран Дубай қаласында Қатар сайланды командасы менен, Қырғыз Республикасы арқа кореялы футболшылар менен өз-ара ушырасады.
Адилбай Оразов,
Қарақалпақстан хабар агентлиги шолыўшысы