Бердақ атындағы Қарақалпақ мәмлекетлик университети ректоры А.Реймовтың басшылығында Қытай Халық Республикасы “Sinoway» компаниясының президенти Тао Лиу менен ушырасыўы болып өтти.
Онда университеттиң Халықаралық бирге ислесиў бойынша проректоры Т.Нурымбетов ҳәм биология факультетиниң деканы Я.Аметов, сондай-ақ, усы факультеттиң профессор-оқытыўшылары Н.Мамутов, А. Ҳабибуллаев, Б.Қурбаниязов, ассистент К.Досжановлар қатнасты.
Ушырасыўды өткериўден мақсет Арал теңизиниң қурыған ултанында дузлы қумларды иркиўде жаңа технологиялардан пайдаланыў ҳәм өсимлик ушын керек болған жаўынды жаслама усылда жаўдыртыў бойынша илажлар көриў ҳаққында сөйлесилди.
“Sinoway» компаниясының президенти Тао Лиу еки күн даўамында Қарақалпақ мәмлекетлик университети оқытыўшылары менен биргеликте Нөкис қаласының әтирапы ҳәм Арал теңизиниң қурыған ултанына барып жағдайды үйренди. Усы жойбарларды орынлаў бойынша университет ректоры А.Реймов ҳәм “Sinoway» компаниясының президенти Тао Лиу арасында бирге ислесиў меморандумы дүзилди.
Қарақалпақстан хабар агентлиги