Халқымыздың сүйикли ҳәм данышпан шайырларының бири бабамыз Әжинияз Қосыбай улының туўылғанына 200 жыл толыў мүнәсибети менен Қараөзек районы қәнигелестирилген мектебинде әдебий кеше өткерилди.
Илажға Әжинияз атындағы Нөкис мәмлекетлик педагогикалық институтының профессор-оқытыўшылары, Республикалық Руўхыйлық ҳәм ағартыўшылық орайы хызметкерлери, мектеп жәмәәти менен оқыўшы-жаслары қатнасты.
Әдебий кешеде профессор Қабыл Мәмбетов ҳәм басқалар шайырдың дөретиўшилиги ҳәм оның илимий изертлениўи ҳаққында кең түрде айтып, оқыўшылардың қызықтырған сораўларына жуўап берди.
Илаж даўамында мектептиң қәбилетли оқыўшы-жаслары тәрепинен Әжинияз бабамыздың дөретиўшилигине арналған саз-сәўбетли бағдарлама мийманларымыздың нәзерине усынылып, бул кешеге өзгеше заўық бағышлады.
Адилбай Оразов,
Қарақалпақстан хабар агентлиги шолыўшысы