Тахтакөпир районы ҳәкимлигиниң мәжилислер залында аймақ исбилерменлери ҳәм мәҳәлледеги ҳәким жәрдемшилери ушын оқыў семинары шөлкемлестирилди.
Оқыў семинарында Қарақалпақстан Республикасы «Киши бизнеске көмеклесиў орайы» жуўапкершилиги шекленген жәмийети ўәкили М.Утепбергенов ҳәм Японияның Ямагата университети тәрепинен шөлкемлестирилген «U-Hоpе» оқыў программасы қатнасыўшысы ментор Н.Атамуратовалар тәрепинен Японияның Ямагата университети тәрепинен ислеп шығылған программа тийкарында таярланған видеороликлер көрсетилип, жаңа исбилерменликти баслаў нийетинде болғанлар ушын басланғыш көнликпелер ҳәм бағдарлар, исбилерменлик пенен шуғылланып атырғанларға жумысы даўамында керекли болатуғын пайдалы мағлыўматлар берилди.
Семинарда қатнасыўшылар тәрепинен шөлкемлестириўшилерге сораўлар берилип, оларға тийисли жуўаплар алды.
Адилбай Оразов,
Қарақалпақстан хабар агентлиги шолыўшысы