1-6-күнлери Қубла Корея Республикасының Чунчеон қаласында таэквондо WТ бойынша жаслар арасында жәҳән чемпионаты болып өтти.
Дүнья жүзиниң 100 ден аслам мәмлекетинен 1000 нан зыят спортшылар қатнасқан бул жарыста Өзбекстан жаслар сайланды командасы да табыслы қатнасып қайтты. Атап айтқанда, командамыз ағзаларынан Дилмуроджон Маъруфжонов чемпионатта барлық қарсыласларын жеңип шығып алтын медальды қолға киргизген болса, Беҳруз Салимовқа қола медалы несип етти.
Жарыс жуўмағында, жигитлеримиз улыўма командалық есапта үшинши орынды ийелеўге миясар болды.
Адилбай Оразов,
Қарақалпақстан хабар агентлиги шолыўшысы