Усы жылдың 30-ноябрь ҳәм 3-декабрь күнлери аралығында «Бес баслама олимпиадасы» шеңберинде спорттың жеңил атлетика түри бойынша республикалық финал басқышы «Б» лигасының жарыслары пайтахтымыз Нөкис қаласында өткерилиўи жобаластырылған.
Жарыста Қарақалпақстан Республикасы, Ташкент қаласы ҳәм барлық ўәлаятлардан улыўма 280 спортшы қатнасып, жеңимпазлық ушын өз ара беллесиўлер алып барады.
Бүгин, 30-ноябрь күни Нөкис темир жол вокзалында жарыс қатнасыўшылары көтериңки руўхта күтип алынды.
16-21, 22-26, 27-30 жас категорияларында эстафеталық жуўырыў бойынша болып өтетуғын жарыс 1-декабрь күни Нөкис қалалық 1-санлы спорт мектеби базасында басланады.
Онда қатнасыўшы ҳаял-қызлар 3х100 метр, ерлер 3х200 метр аралыққа жуўырып жарысады.
Қарақалпақстан хабар агентлиги.
Мақсет Ҳабибуллаевтың түсирген сүўретлери.
