АҚШ рәсмийлери Москва ҳәм Пекин арасындағы байланыслар тереңлесип баратырғанынан қәўетерленбекте. Бул ҳаққында Ақ үй баспасөз хызметиниң хаткери Карин Жан-Пьер мәлим етти.
Баспасөз хаткери келеси ҳәптеде Россия Президенти Владимир Путин ҳәм Қытай басшысы Си Цзиньпинниң Шанхай бирге ислесиў Шөлкеминиң Самарқанд саммити шеңберинде ушырасыўы күтилип атырғаны туўралы хабарға түсиник тәризинде жуўап берди. «Мен басқа мәмлекет басшылары арасындағы ушырасыўлар ҳаққында сөз етпекши емеспен». Буннан алдын Путин де ШБШ саммити шеңберинде Си Цзиньпин менен сөйлесиў өткериўди режелестирип атырғанын тастыйықлаған еди.
Қарақалпақстан хабар агентлиги