11-июнь күни футбол бойынша Азия кубоги—2023 таӊлап алыў ойынларында Өзбекстан сайланды командасы топар басқышыныӊ 2-турында  Мальдив атаўлары сайланды командасы менен өз-ара ушырасыў өткерди.

Ушырасыўды командамыз ағзалары ҳүжимлер менен баслап, оныӊ 2-минутында Элдор Шомуродов гол урыўға еристи. Буннан соӊ командалар гол урыўға қаншелли ҳәрекет еткени менен ойындағы есап өзгермеди.

2-таймда болса, избе-из ҳүжимге өткен Жалолиддин Машариповтыӊ пасынан соӊ Элдор Шомуродов Мальдив атаўлары дәрўазасына және бир гол жоллап дубльге еристи.

80-минутта Элдор қарсылас команда футболшыларыныӊ қәтесинен нәтийжели пайдаланып, Өзбекстан сайланды командасыныӊ 3-голын да урыўға миясар болған болса, арадан 6 минут өтип Остон Ўрунов ойындағы еӊ соӊғы гол авторына айланды.

Ал, Таиланд сайланды командасы болса, Шри-Ланка командасын 2-0 есабында жеӊип шықты.

Енди командамыз ағзалары 14-июнь күни топардағы 3-тур ойынлары шеӊберинде Таиланд сайланды командасы менен өз-ара ойын өткереди.

Адилбай Оразов,

Ⱪарақалпақстан хабар агентлиги шолыӯшысы