Кеше Финляндияныӊ Хельсинки ҳәм Тампере қалаларында хоккей бойынша жәҳән чемпионатыныӊ шерек финал ойынлары болып өтти.
Онда Канада- Швеция, Финляндия-Словакия, АҚШ-Швейцария, Чехия-Германия сайланды командалары өз-ара ушырасты.
Оғада қызықлы болып өткен Канада-Швеция ушырасыўында Арқа Америкалы хоккейшилер 0-3 есабын, овертаймда өз пайдасына шешиўге еристи.
Ал, Чехия Германияны ҳеш қандай қыйыншылықсыз 4:1 есабында жеӊип шыққан болса, Финляндия Словакияны 4:2, АҚШ хоккейшилери Швейцариядан 3:0 есабында үстин келди.
28-май күни өткерилетуғын ярым финал ушырасыўында Финляндия — АҚШ, Канада — Чехия менен гүрес алып барады.
Адилбай Оразов,
Қарақалпақстан хабар агентлиги шолыўшысы