18-23-апрель күнлери пүткил республикамыз бойлап «Китапқумарлық ҳәптелиги» сыпатында белгиленген.
Усы ҳәптелик шеӊберинде республикамыздыӊ барлық орынларында ҳәр қыйлы илажлар өткерилип келинбекте.
Қарақалпақстан Республикасы Ишки ислер министрлиги де усы ҳәптеликти нәтийжели өткериў мақсетинде тараўда хызмет етип киятырған хызметкерлери арасында “Билимданлар” интеллектуаллық таӊлаўын өткерди.
Ишки ислер министрлигине қараслы барлық басқарма ҳәм бөлимлерден командалар қатнасқан жарыс жуўмағында Кегейли районлық Ишки ислер бөлими хызметкерлеринен дүзилген команда 1-орынды, Қарақалпақстан Республикасы Ишки ислер министрлигинен дүзилген команда 2-орынды, Нөкис қалалық ИИО ЖМБ да дүзилген команда 3-орынды ийелеп, илаж шөлкемлестириўшилери тәрепинен арнаўлы диплом ҳәм сыйлы саўғалар менен сыйлықланды.
Адилбай Оразов,
Қарақалпақстан хабар агентлиги шолыўшысы