“Manchester Yunayted“ klubi aʼzosi fransiyalik Pol Pogba oʻziga qiziqish bildirayotgan La Liganing ikki eng kuchli jamoasi – “Barselona“ hamda “Real“ oʻrtasida oʻz tanlovini amalga oshirdi.
Polga berilgan mazkur tanlovda oʻz faoliyatini “Kamp Nou“da emas, balki “Santyago Bernabeu“da davom ettirishni maʼqul koʻrgan. Uning fikricha, u aynan “Real Madrid”da tezroq yetakchilar qatoriga kirishi mumkin. Pogbaning bunday fikrga kelishiga asosiy sabab – uning chizigʻida toʻp suradigan xorvatiyalik Luka Modrichni yoshi oʻtib borayotgani, germaniyalik Toni Kroos esa soʻnggi paytlarda yaxshi oʻyin koʻrsata olmayotgani boʻldi.
Eslatib oʻtamiz, bundan avvalroq Turinning “Yuventus” klubi Pogbaning agenti Mino Rayola bilan muzokara oʻtkazayotgani haqida xabar tarqalgan edi.
Javohir Toshxoʻjayev, OʻzA