Футзал бўйича Ўзбекистон терма жамоаси Хитой Тайпейида бошланган Осиё чемпионатининг дастлабки учрашувида Жанубий Корея термаси билан баҳслашди.
Чемпионатнинг “B” гуруҳидаги ушбу ўйинда футзалчиларимиз кореялик рақибларини 13:2 ҳисобида мағлубиятга учратди.
Баҳсда терма жамоамизга ғалаба келтирган голларга Артур Юнусов, Даврон Чориев (3 маротаба), Фарҳод Абдумавлонов, Ихтиёр Ропиев, Ҳусниддин Нишонов, Дилмурод Шавкатов, Илҳом Ҳамроев, Дилшод Раҳматов, Анасхон Раҳматов, Машраб Одилов, Даврон Абдураҳмонов муаллифлик қилди.
Жанубий Корея терма жамоаси аъзоси Жанг Йеонг Чеол эса дарвозамизни икки бора аниқ нишонга олиб, ҳисобни қисқартирди.
Жавоҳир Тошхўжаев, ЎзА