Нукус шаҳридаги Президент мактабида “Nukus PS FM” радио лойиҳаси иш бошлади. Лойиҳанинг асосий мақсади ўқувчи ёшларнинг оммавий ахборот воситалари соҳасидаги билимларини ривожлантириш ва уларнинг шу соҳа бўйича қобилиятини юзага чиқариш имкониятларини яратишдан иборат.
Лойиҳанинг “Special guest” — “Махсус меҳмон“ номли дастлабки эшиттирувида мактаб директори Алишер Уббиев ва хорижлик ўқув ишлари директори Фрэнк Нельсон Стефенсенлар иштирок этди.
Ўқувчиларнинг қизиқишини инобатга олиб, келгусида эшиттиришлар сонини кўпайтириш мақсад қилинган ва радио бошловчиликка қобилиятли ўқувчиларни танлаб олиш учун кастинг эълон қилинди.
Радиоэшиттиришларни узатувчи колонкалар мактаб бинолари ичида жойлашган бўлиб, эшиттирувлар ўзбек, қорақалпоқ, рус ва инглиз тилларида олиб борилади.
Е.ҚАНОАТОВ, ЎзА