Қорақалпоғистон Республикаси Нукус шаҳридаги гимнастикага ихтисослашган болалар ва ўсмирлар спорт мактабида қарийб 430 қиз спорт машғулотларига жалб этилган.
Спорт маскани замонавий шароит ва моддий-техник базага эга. Саккиз малакали мураббий маҳорат сирларидан сабоқ бермоқда. Мактабнинг Гулчеҳра Нажимова, Нигора Қалназарова, Ойдана Худойберганова, Шоира Алламберганова, Шоҳсанам Ўрозбоева сингари ёш гимнастикачилари мамлакат миқёсидаги мусобақаларда яхши натижаларга эришмоқда.
Мақсад Ҳабибуллаев (сурат), ЎзА