Қозоғистоннинг Петропавловск шаҳрида спорт акробатикаси бўйича халқаро турнир ташкил этилди. Унда Қозоғистон, Қирғизистон, Ўзбекистон ва Россиядан 12 жамоа иштирок этди. 180 нафар спортчи қатнашган турнирда вакилларимиз 2 та олтин ва 1 та кумуш медалига сазовор бўлишди.
13-19 ёшли спортчилар ўртасидаги баҳсларда Достон Нажмиддинов – Тимур Ибрагимов (Тошкент) тандеми, шунингдек, Ситора Қосимова, Милена Заборская, Анастасия Пак(Тошкент) учлиги олтин медални қўлга киритди.
12-18 ёшли спортчилар орасида эса Шаҳзод Жумақулов, Дамир Хафизов, Диёрбек Камолиддинов ва Абдулло Наимов (Самарқанд) лардан ташкил топган гуруҳ шоҳсупанинг иккинчи поғонасидан жой олди.
ЎзА