«Драматург ва сценарист Эдуард Успенский 14 август оқшомида 81 ёшида Москванинг Тринити маъмурий ҳудудининг бир қисми бўлган Пучково қишлоғидаги ўз уйида вафот этди», дея хабар беради РЕН ТВ.
9 август куни ёзувчи уйда касал бўлиб қолгани ҳақида хабар қилинган. У хотирасини йўқотган ва хотини шифокорларни чақирган. Рус ёзувчиси 1937 йил 22 декабрда Москва вилоятининг Егорьевск шаҳрида туғилган. 1961 йилда Москва авиация институтини битирган. Болалар учун биринчи шеърлари “Адабий газета”да чоп этилган.
У “Тимсоҳ Гени ва унинг дўстлари”, “Сеҳрли дарё” номли болалар китоблари муаллифи сифатида танилган. Унинг “Тошбақа ва унинг дўстлари” ва “Тимсоҳ Генининг байрамлари” асарлари жуда машҳур.
1980 ва 1990 йилларда Успенскийнинг “Простоквашинода ҳордиқ”, “Фёдор амаки, ит ва мушук” ҳамда “Бўғирсоқ изидан” китоблари чоп этилди.
Ёзувчининг асарлари 25 дан ортиқ тилларга таржима қилинган.
ЎзА