Жорий йилнинг 10-20 июнь кунлари Тошкент ва Бишкек шаҳарларида «CAFA NATIONS CUP-2023» мусобақаси ташкил этилади. Мусобақа низомига биноан «А» гуруҳ баҳслари Тошкентда, «B» гуруҳ ўйинлари Бишкекда бўлиб ўтади.
Тақвимга кўра, Ўзбекистонда 1-тур баҳслари 11 июнь, 2-тур 14 июнь ҳамда 3-тур учрашувлари 17 июнда ўтказилиши белгиланган. Қирғизистон Республикасида эса гуруҳ ўйинлари 10, 13 ва 16 июнь кунлари ўтказилади, дейилади Ўзбекистон футбол ассоциацияси хабарида.
Гуруҳда ғолибликка эришган жамоалар финалда, иккинчи ўрин соҳиблари 2-ўрин учун кураш олиб боради.
«CAFA NATIONS CUP-2023» финал ва 3-ўрин учун кечадиган баҳслар 20 июнь куни мамлакатимиз пойтахти Тошкентда ўтказилиши режалаштирилган.
Т. Рўзиев, ЎзА