Япония ҳукумати 2018 йилда АҚШнинг собиқ президенти Дональд Трамп маъмурияти томонидан пўлат ва алюминийга нисбатан жорий қилинган қўшимча божни тўлиқ бекор қилишга эришади.

Мамлакат иқтисодиёт, савдо ва саноат вазири Коити Хагиуду берган маълумотга асосланган “Kyodo” агентлиги хабарида: “Биз АҚШ божни бекор қилиш бўйича қўйган дастлабки қадамни кўрдик. Энди божни бутунлай олиб ташлашга эришамиз”, дея таъкидлайди вазир.
Маълумот ўрнида келтириш жоиз, 7 февралда АҚШ молия вазирлиги 1 апрелдан бошлаб Япония йилига 1,25 миллион тонна пўлатни бож тўловисиз экспорт қилиши мумкинлигини эълон қилди. Бу божнинг қисман бекор қилинганини англатади.