Ўзбекистон Республикаси Президенти Шавкат Мирзиёевнинг Бирлашган Араб Амирликларига ташрифи шарафига дунёдаги энг баланд бино ҳисобланган Дубайдаги Бурж Ал-Халифа ҳамда бошқа диққатга сазовор иншоотлар Ўзбекистон байроғи рангларига бурканди. Бу ҳақдаги фото ва видеоларни Ўзбекистон Республикаси Президентининг матбуот хизмати ўзининг ижтимоий тармоқдаги саҳифаларида бўлишди.

Таъкидлаш жоиз, Ўзбекистон президенти Шавкат Мирзиёев БААга расмий ташрифи доирасида Дубай шаҳрида Шайх Муҳаммад бин Рошид Ол Мактум билан музокара ўтказди. Кўп қиррали ҳамкорликни мустаҳкамлаш масалалари “Заабил” саройида бўлиб ўтган учрашувнинг асосий мавзуси бўлди. Дубай амири ўз тараққиётининг янги босқичига чиққан Ўзбекистон билан кўп қиррали алоқаларни мустаҳкамлашдан манфаатдор эканлигини билдирди.

Ўзбекистон президентининг БААга ташрифи доирасида умумий қиймати 10 миллиард доллардан ортиқ бўлган келишувларга эришилди.