“Рақамли ишонч“ рақамли иқтисодиётни рижолантиришни қўллаб-қувватлаш жамғармаси ва кўп тармоқли “Bitfury” блокчейн компанияси ўртасида мамлакатимиз давлат секторига мазкур технологияни жорий этишга қаратилган стратегик ҳамкорлик тўғрисидаги меморандум имзоланди. 

“Bitfury” компанияси мамлакатимиз давлат органлари фаолиятига блокчейн асосида иловалар яратишга мўлжалланган Exonum очиқ бошланғич кодли фреймворк жорий этишга ёрдам беради.

– Биз ишни давлат учун истиқболли ҳисобланган масалаларни ҳал этишга йўналтирилган синов лойиҳаларини жорий этишдан бошлаймиз, – дейди “Рақамли ишонч“ рақамли иқтисодиётни ривожлантиришни қўллаб-қувватлаш жамғармасининг технологиялар бўйича инвестицион директори Б.Оқилхонов.

“Bitfury” компанияси томонидан Россия, Грузия, Қозоғистон ва АҚШдаги давлат лойиҳаларида фойдаланиладиган Exonum блокчейнларини яратиш учун фреймворк ишлаб чиқилди. Мазкур ҳужжат барча узел ва блоклари олдиндан маълум бўлган хавфсиз ва ишончли блокчейнларни яратиш имконини беради.

Бунда Exonumда яратилган блокчейн фақат ушбу тизим ишидан манфаатдор бўлган валидатор узелларини ҳисоблаш қуввати ёрдамида ишлайди. Муайян узелларда олдиндан очилган хусусий блокчейн бошланғич кодни кескин модификация қилиш имконияти ва очиқ блокчейнларга хос бошқа муаммо ҳамда носозликларни бартараф этади. У оммавий блокчейнларга қараганда анча тез ишлайди, яъни бир сонияда бир неча мингта транзакцияларга ишлов беради.

– Рақамли трансформация давлат органлари фаолияти шаффофлигининг янги даражаси, қарор қабул қилишда тезлик ва блокчейн олиш имконини берувчи имкониятларни тўлиқ ишга солишни талаб этади, – дейди “Bitfury Russia” компанияси бош директори Д.Уфаев. – Биз муҳим давлат жараёнлари технологияларини модернизациялаш соҳасида “Рақамли ишонч“ жамғармаси билан ҳамкорлик қилишдан мамнунмиз.