Малайзия, Бангладеш, Хитой, Франция ва шу каби давлатлардан “Жаҳон сўфийлик маркази” дастурига кўра, Нақшбандия тариқатининг 200 га яқин уламолари мамлакатимизга ташриф буюрди.

Тошкент шаҳар ҳокимлиги матбуот хизмати маълумотларига кўра, меҳмонлар пойтахтимиздаги Ҳазрати Имом мажмуасидаги масжид ва Усмон мусҳафи, Бухоро ва Самарқанд вилоятидаги муқаддас мажмуаларга зиёрат сафарларини уюштирди. Тошкент шаҳар Туризмни ривожлантириш департаменти ушбу зиёрат сафарига амалий кўмак беряпти.

Айни пайтда зиёратчиларнинг саёҳатлари давом этмоқда.