Қорақалпоғистон Республикаси Қораўзак тумани истеъмолчилар ҳуқуқларини ҳимоя қилиш жамиятига тумандаги «Мелиоратор» кўчасида яшовчи Исмоил Асановдан мурожаат келиб тушди. Унга кўра, истеъмолчи туман деҳқон бозоридаги «Манғит саўда» шохобчасидан жорий йилнинг февраль ойида 2 миллион 350 минг сўмга «Бирюса-6» номли музлатгични сотиб олган.
Харид амалга оширилгач, 2 ой ўтар-ўтмас унда носозлик аниқланган. Бу ҳақида И.Асанов сотувчига хабар берганда, кафолат муддати тугамаган бўлишига қарамасдан ўз ҳисобидан таъмирлатиш лозимлигини айтган.
Мазкур мурожаат туман истеъмолчилар ҳуқуқларини ҳимоя қилиш жамияти томонидан ўрганиб чиқилиб, истеъмолчининг музлатгичи янгисига алмаштириб берилди.
ЎзА