Корея Республикасининг Сеул шаҳрида ўтказилган профессионал бокс оқшомида бир қатор ўзбекистонлик боксчилар иштирок этди.
20 ёшли Фарёзбек Дўсматов ушбу бокс оқшомида кореялик Санг Ҳьён билан жанг олиб борди. -55 килограмм вазн тоифасида ўтган жанг мусобақа низомига мувофиқ 8 раунд давом этди. Шиддатли кечган жангда Фарёзбек Дўсматов очколар ҳисобида ғалабага эришди.
Шунингдек, ушбу бокс кечасида иштирок этган ёш профессионал боксчиларимиздан Сирожбек Исмоилов, Шаҳзодбек Шаробиддинов, Эгамберди Нуриддинов ўз вазн тоифаларида рақибларидан устун келди.
Т.Рўзиев, ЎзА