Айни вақтда Тошкентда бўлиб ўтаётган “Электр энергетика соҳасидаги ислоҳотлар ва унинг истиқболлари –орттирилган тажриба, хулосалар ва рад этилган афсоналар” мавзусидаги халқаро конференцияда “Ўзбекэнерго” АЖ бошқарув раиси ўринбосари Жаҳонгир Обиджонов бу ҳақда маълум қилди.
У таъкидлаганидек, келгусида яна 1 миллиард долларга тенг лойиҳалар ОТБ томнидан молиялиштириш режалаштирилган.
Осиё тараққиёт банки ҳамда “Ўзбекэнерго” АЖ ҳамкорлигида илк бор ўтказилаётган халқаро анжуманда Марказий Осиё ва Афғонистоннинг давлат электр энергия холдинглари ва корпорациялар раҳбарлари, Жаҳон банки, Европа тикланиш ва тараққиёт банки мутахассислари, глобал консалтинг компания вакиллари иштирок этмоқда.
Анжуманнинг очилишида Ўзбекистон Респубилкаси Бош вазири ўринбосари Алишер Султонов, “Ўзбекэнерго” АЖ бошқарув раиси Улуғбек Мустафоев, Осиё тараққиёт банкининг Ўзбекистондаги ваколатхонаси раҳбари Такео Кониши , Европа тикланиш ва тараққиёт банкининг Марказий Осиё ва Россия бўйича бошқарув директори Наташа Ханженкова ва бошқалар сўзга чиқди.
Энергетика соҳасига бағишланган халқаро конференция давом этмоқда.
Малоҳат Ҳусанова, ЎзА