Туркия 2016 йилдаги давлат тўнтаришига уринишни унутмайди, ташқи кучлар мамлакатдаги вазиятни беқарорлаштиришга қаратилган режаларини амалга оширишига йўл қўймайди. Бу ҳақида Президент Режеп Таййип Эрдоған тегишли санага бағишланган йиғилишда айтиб ўтди.
“15 июлдаги воқеани бугун ҳам, 7 ёки 70 йилдан кейин ҳам унутмаймиз, бошқалар ҳам унутмаслигини истаймиз. Шунингдек, миллатимизга қарши ҳийла-найранг сценарийлари амалга ошишига йўл қўймаймиз”, деди давлат раҳбари.
У “пистирмада ўтирган”ларга ва мамлакатда беқарорлик юзага келтиришни режалаётганларга шу йўл билан очиқ мурожаат қилганини таъкидлади.
Эрдоған Туркия ўша кунлари “бир бутун, бир юрак бўлиш мумкинлиги”ни бутун дунёга намойиш этганини қайд этди.
– Биз томонда 85 миллионлик халқимиз бор, – деди у. – Биз қурол-аслаҳа, танк ва самолётлар билан миллий иродани енгиб бўлмаслигини кўрсатдик, Туркия устидан ғалаба қозониб бўлмаслигини яна бир бор намойиш этдик.
Республикада 15 июль куни нишонланадиган “Декларация ва миллий бирлик куни” муносабати билан бутун мамлакат бўйлаб хотира тадбирлари ўтказилди.
2016 йил 15 июль куни бир гуруҳ ҳарбийлар ва фуқаро-фитначилар Туркиядаги қонуний ҳукуматни, Эрдоғанни ағдариш учун давлат тўнтаришига уринган эди.
ЎзА