«Париж-2024» ёзги Олимпия ва Паралимпия ўйинлари учун чипталар нархи эълон қилинди.
Бу ҳақда «Париж-2024» ташкилий қўмитаси хабар берди. Хабарга кўра, барча спорт турлари учун чипталар нархи 15 евродан бошланади. Чипталар сотуви жорий йил кузида йўлга қўйилади.
Эслатиб ўтамиз, Франция пойтахтида ўтадиган XXXIII ёзги Олимпия ўйинлари 2024 йил 26 июль -11 август кунлари бўлиб ўтса, XVII ёзги Паралимпия ўйинлари келгуси йил 28 август — 8 сентябрь кунлари ташкил этилади.
Т.Рўзиев,
ЎзА