2025 йилнинг 12 февраль кунидан 1 мартига қадар Хитойда футбол бўйича U20 ёш тоифасида Осиё кубоги финал босқичи ўтказилади. Мазкур мусобақада Ўзбекистон ёшлар терма жамоаси «С» гуруҳида Эрон, Индонезия ва Яман термаларига қарши баҳс олиб боради.
Ёш футболчиларимиз агарда гуруҳ босқичидан муваффақиятли ўта олса, навбатдаги босқичда «D» гуруҳидаги терма жамоаларнинг бири билан куч сишанади. Шуниси аҳамиятлики, чорак финалда ғолиб бўлган жамоа Осиё чемпионатининг ярим финал босқичи билан бир қаторда 2025 йилнинг сентябрь-октябрь ойларида Чилида ўтадиган Жаҳон чемпионатига йўлланма олади.
Мазкур нуфузли чемпионатда муносиб иштирок этиш ва мундиалга йўлланма олиш мақсадида Фарҳод Нишонов бошқарувидаги Ўзбекистон ёшлар терма жамоаси декабрь-январь ойларида Қатарда йиғин ўтказади. Футболчиларимиз йиғин доирасида Саудия Арабистони U20 терма жамоасига қарши ўртоқлик учрашувларида майдонга тушади. Ушбу ўйинлар 29 декабрь, 3 январь кунлари Доҳа шаҳрида бўлиб ўтади.
Йиғинга жалб этилган футболчилар рўйхати билан танишинг:
Дарвозабонлар: Самандар Муратбаев, Максим Муркаев, Муҳаммадюсуф Собиров.
Ҳимоячилар: Азизбек Тўлқинбеков, Рўзибой Файзуллаев, Саидхон Ҳамидов, Ғиёсжон Ризақулов, Муҳаммадали Зоҳидов, Дилшод Абдуллаев, Озодбек Қурбонов, Беҳруз Жуматов, Наримон Аҳмаджонов, Диёрбек Абдуназаров.
Ярим ҳимоячилар: Рустамбек Фомин, Равшан Хайруллаев, Муҳаммадали Реимов, Муродали Усмонов, Оллоберган Каримов, Муҳаммадали Ўринбоев, Мурод Комилов, Далер Тухсанов, Муҳаммадюсуф Мирқодиров,.
Ҳужумчилар: Саидумархон Саиднуруллаев, Асилбек Жумаев, Абдуғофур Ҳайдаров, Нурлан Ибраимов, Амирбек Саидов, Шоҳрух Абдухалилов.
Маълумот ўрнида: Ўзбекистон U20 ёшлар терма жамоаси декабрь ойи бошларида Туркияда ҳам йиғин ўтказган эди.
Жавоҳир Тошхўжаев,
ЎзА