Ёшлар ижод саройида Ўзбекистон Республикаси Ёшлар ишлари агентлиги томонидан анъанавий тарзда ўтказилиб келинаётган «Ёш китобхон» танловининг 20-30 ёш тоифаси бўйича республика босқичи бўлиб ўтди.
Унда, 1-ўрин Тошкент шаҳридан Севинч Авазовага, 2-ўрин Бухоро вилоятидан Шамшода Ҳамдамовага, 3-ўрин эса Тошкент вилоятидан Фаррух Файзиевга насиб қилди.
Маълумки, танловнинг бу йилги ҳудудий босқичлари январь-февраль ойлари давомида ўтказилган бўлиб, саралаш босқичларидан 3 ёш тоифаси бўйича, жумладан, 10-14, 15-19 ва 20-30 ёшгача бўлган 1 минг 242 нафар ғолиблари иштирок этишди.
Танлаб олинган 42 нафар ҳудудий босқич ғолиблари танловнинг республика босқичида иштирок этиш имкониятига эга бўлди.
«Ёш китобхон» танловининг республика босқичи ғолибларига 1-ўринга Президент совғаси «Спарк» автомашинаси, 2-ўринга 50 миллион сўм, 3-ўринга эса 30 миллион сўм, қолган барча иштирокчиларга эса 10 миллион сўм миқдоридаги пул мукофотлари берилди.
Гулноза Бобоева, ЎзА