5110900 Pedagogika ha`m psixologiya

5111700 Baslawısh ta`lim ha`m sport-ta`rbiyalıq is

5111800 Mektepke shekemgi ta`lim

5111900 Defektologiya

5111100 Muzıkalıq ta`lim

5112100 Miynet ta`limi

5110800 Su`wretlew o`neri ha`m injenerlik grafikası

5112000 Dene ma`deniyatı

Abiturientler qabıllaw komissiyasına to`mendegi hu`jjetlerdi tapsıradı:

– ta`lim bag`darı, oqıw tili ko`rsetilgen halda institut rektorı atına arza;

– orta arnawlı, ka`sip-o`ner oqıw ornın tamamlang`anlıg`ı haqqındag`ı hu`jjeti (diplom)nin`  tu`p nusqası ha`m qosımshası menen;

– 086/U formadag`ı meditsinalıq mag`lıwmatnama;

– pasport nusqası;

– 3,5 x4,5   sm o`lshemindegi 6 dana ren`li fotosu`wreti;

– Miynet da`ptershesinen belgilengen ta`rtiptegi tastıyıqlang`an ko`shirme;

– oqıw ornı basshısının` joqarı mag`lıwmatlı qa`nigege za`ru`rligi barlıg`ı haqqındag`ı xatı;

– Tiyisli ministrlik ha`m mekemenin` usınısı.

Qabıl etiw boyınsha qosımsha mag`lıwmatlardı instituttın` qabıllaw komissiyasına kelip biliwge boladı.

Abiturientlerden hu`jjetlerdi qabıl etiw mu`ddeti sentyabr` ayının` 4-sa`nesinen baslap sentyabr` ayının` 16-sa`nesine shekem (usı ku`nde de)  dawam etedi.

Usı okıu jılı ushın kontrakt summası 2 mln 220 mın sum

Ma`nzilimiz: No`kis qalası A. Dosnazarov ko`shesi 104 jay. 
Telefonlar: 222-65-30; 222-84-38; 222-65-10.
Faks: 222-65-10: e – mail : nkspi info @edu .uz , nukusdpi @mail .ru

4-qosımsha

Joqarı oqıw orınlarının` pedagogika bag`darları boyınsha arnawlı sırtqı bo`limlerge 2017-2018-oqıw jılı ushın oqıwg`a qabıl etiw ta`rtibi ha`m o`lshemi

Bul Ta`rtip ha`m o`lshemler O`zbekstan Respublikası Prezidentinin` «Joqarı oqıw orınlarında pedagogika bag`darında arnawlı sırtqı bo`limlerin sho`lkemlestiriw haqqında» 2017-jıl 9-avgusttag`ı PQ-3183-sanlı qararına muwapıq joqarı oqıw orınlarının` pedagogika bag`darları boyınsha arnawlı sırtqı bo`limlerine oqıwg`a qabıl etiw qag`ıydaların belgileydi.

1-bap. Ulıwma qag`ıydalar

1. Joqarı oqıw orınlarının` arnawlı sırtqı bo`limlerine oqıwg`a qabıl etiw O`zbekstan Respublikası bilimlendiriw orınlarına oqıwg`a qabıl etiw boyınsha ma`mleketlik komissiyası (bunnan bılay tekstte Ma`mleket komissiyası dep ju`rgiziledi) ta`repinen belgilengen qabıllaw kvotaları shen`berinde to`lew-kontrakt tiykarında a`melge asırıladı.
2. Joqarı oqıw orınlarının` arnawlı sırtqı bo`limlerine oqıwg`a qabıl etiw ha`mme ushın ten` huqıqlılıq, belgilengen o`lshemler boyınsha tan`law tiykarında a`melge asırılıp, respublikanın` alıs (tawlı, sho`lli) xalıq punktlerinde jasaytug`ın ha`m de joqarı pedagogikalıq mag`lıwmatlı kadrlarg`a za`ru`rlik en` joqarı bolg`an bilimlendiriw orınlarında iskerlik etip atırg`an arnawlı sırtqı bo`limnin` bakalavriat ta`lim bag`darlarında oqıwg`a talaban abiturientlerdin` (bunnan keyin tekstte abiturientler dep ju`rgiziledi) birinshi gezekte qabıl etiliw huqıqı ta`miyinlenedi.
3. Arnawlı sırtqı bo`limlerdin` bakalavr ta`lim bag`darlarına ha`r bir joqarı oqıw ornı boyınsha ta`lim bakalavrları ha`m oqıtıw tillerine qaray o`z aldına oqıwg`a qabıl etiledi.
4. Arnawlı sırtqı bo`limlerdin` bakalavr ta`lim bag`darlarına oqıwg`a qabıl etiw orta arnawlı, ka`sip-o`ner mag`lıwmatına ha`m de keminde u`sh jıllıq pedagogikalıq a`meliy is stajına ha`m de mektepke shekemgi, ulıwma orta ha`m mektepten tısqarı oqıw orınları (bunnan bılay tekstte oqıw orınları dep ju`rgiziledi) za`ru`rlikleri tiykarında quramında bul oqıw orınları bar bolg`an ministrlikler ha`m mekemeler ta`repinen beriletug`ın usınısqa iye bolg`an pedagog kadrlar esabınan a`melge asırıladı.

2-bap. Usınıslardı beriw ta`rtibi

1. Pedagog kadrlarg`a usınıslar beriw maqsetinde Qaraqalpaqstan Respublikası Xalıq bilimlendiriw ministrligi, Tashkent qalalıq xalıq bilimlendiriw bas basqarması ha`m oblastlar xalıq bilimlendiriw basqarmalarının` (keyingi orınlarda aymaqlıq basqarmalar dep ju`rgiziledi) buyrıqlarına muwapıq tiyisli rayon (qala) xalıq bilimlendiriw bo`liminde pedagog kadrlardın` hu`jjetlerin qabıl etiw ha`m u`yreniw boyınsha jeti adamnan ibarat quramda arnawlı komissiya (bunnan bılay tekstte arnawlı komissiya dep ju`rgiziledi) du`ziledi:

arnawlı komissiya baslıg`ı – rayon (qala) xalıq bilimlendiriw bo`limi baslıg`ı;

arnawlı komissiya ag`zaları – rayon (qala) ha`kimligi wa`kili, oqıw ornı baslıqları, O`zbekstan Ka`siplik awqamları Federatsiyası Ken`esi aymaqlıq bo`limi wa`kili, O`zbekstan Jaslar awqamı aymaqlıq bo`limi wa`kili;

arnawlı komissiya xatkeri – rayon (qala) xalıq bilimlendiriw bo`limi kadrlar boyınsha inspektorı.

1. Arnawlı komissiyanın` wazıypaları to`mendegilerden ibarat:

pedagog kadrlar ushın arnawlı sırtqı bo`limnin` bakalavriat bag`darlarına qabıllaw haqqında oqıw orınlarında tu`sindiriw jumısların alıp barıw ha`m de za`ru`r ma`sla`ha`tler beriw;

pedagog kadrlarg`a usınıs beriwge baylanıslı belgilengen talaplar: bilimlendiriw orınlarının` pedagog kadrlarg`a bolg`an za`ru`rligi ha`m onın` alıslıg`ı tiykarında pedagog kadrlardın` dizimin qa`liplestiriw;

pedagog kadrlardın` dizimin aymaqlıq basqarmalarg`a tapsırıw.

1. Pedagog kadrlardın` to`mendegi hu`jjetleri oqıw orınları baslıqları arqalı arnawlı komissiyag`a tapsırıladı:

pasport nusqası;

orta arnawlı, ka`sip-o`ner oqıw orınların pitkergeni haqkındag`ı hu`jjettin` nusqası (qosımshasının` nusqası);

oqıw orınları pedagogikalıq ken`esinin` qararı (is stajı ko`rsetilgen halda);

miynet da`ptershesinen belgilengen ta`rtipte tastıyıqlang`an ko`shirme.

1. Arnawlı komissiyag`a tapsırılg`an hu`jjetler qaytarıp berilmeydi.
2. Arnawlı komissiyag`a usınıs beriwge usınılıp atırg`an pedagog kadrlar dizimin aymaqlıq basqarmalarg`a jiberedi.
3. Aymaqlıq basqarmalar arnawlı komissiya ta`repinen tapsırılg`an dizimdi ulıwmalastıradı ha`m joqarı pedagogikalıq mag`lıwmatlı kadrlarg`a bolg`an za`ru`rlikti esapqa alg`an halda ta`lim bag`darları kesiminde bul Nızamnın` q-qosımshasına muwapıq formadag`ı abiturientlerdin` dizimin qa`liplestiredi.
4. Aymaqlıq basqarmalar qa`liplestirilgen dizimdi pedagog kadrlar iskerlik etip atırg`an oqıw orınlarının` boysınıwına ko`re tiyisli ministrlik ha`m mekemelerge jiberiledi.
5. Ministrlik ha`m mekemeler pedagog kadrlardın` diziminin` oqıwg`a qabıl etiw boyınsha talaplarg`a sa`ykesligin u`yrenedi ha`m de usınıslar beriw belgilengen dizimdi (dizimde usınıs berilmeytug`ınlar o`z aldına dizimde ko`rsetiledi) aymaqlıq basqarmalarg`a, joqarı oqıw orınlarg`a ha`m Joqarı ha`m orta arnawlı bilimlendiriw ministrligine jollaydı.
6. Aymaqlıq basqarmalar ta`repinen Usınıslar beriw belgilengen dizim arnawlı komissiyalarg`a, arnawlı komissiyalar oqıw orınlarına jetkizip beredi.

Ministrlik ha`m sho`lkemler ta`repinen tastıyıqlang`an usınıs beriw belgilengen dizimge qatan` a`mel etken halda oqıw orınları abiturient(ler)ke usınıs beredi.

3-bap. Joqarı oqıw orınları arnawlı sırtqı bo`limlerinin` bakalavriat ta`lim bag`darlarına oqıwg`a qabıl etiw

1. Joqarı oqıw orınlarında 2017-2018-oqıw jılı bakalavriat basqıshı ku`ndizgi ta`lim boyınsha du`zilgen qabıllaw komissiyası arnawlı sırtqı bo`limlerge qabıllaw jumısların a`melge asıradı.
2. Abiturientlerdi oqıwg`a qabıl etiw haqqındag`ı arzaları Komissiya ta`repinen usı jıldın` 4-sentyabrinen 16-sentyabrine (usı ku`ni de) shekem qabıl etiledi.
3. Abiturientler ta`repinen Komissiyag`a qoyılatug`ın hujjetler usınıladı:

ta`lim bag`darı ha`m oqıw tili ko`rsetilgen haldag`ı arza;

orta arnawlı, ka`sip-o`ner oqıw orınların pitkergenligi haqqındag`ı hu`jjettin` tu`p nusqası ha`m qosımshası;

086-U-formada boyınsha meditsinalıq mag`lıwmatnama;

pasport nusqası;

3,5 x 4,5 sm ko`lemindegi 6 dana ren`li foto su`wret;

Miynet da`ptershesinen belgilengen ta`rtipte tastıyıqlang`an ko`shirme;

Oqıw orınları basshısının` joqarı mag`lıwmatlı qa`nigege za`ru`rligi haqqındag`ı xatı;

Tiyisli ministrlik ha`m mekemenin` usınısı.

Hu`jjetler qabıl etiwdin` belgilengen mu`ddetleri tamam bolg`annan son` hu`jjetlerdi qabıl etiw ha`m hu`jjetlerge qosımsha ha`m o`zgertiwler kirgiziw qatan` qadag`an etiledi.

1. Abiturient ta`repinen tapsırılg`an hu`jjetlerdin` qa`lbeki ekenligi anıqlansa, ol jag`dayda abiturient oqıwg`a qabıl etilmeydi (studentler qatarınan shetlestiriledı) ha`m de hu`jjetleri ornatılg`an ta`rtipte huqıqtı qorg`aw organlarına jiberiledi.
2. Joqarı oqıw orınları qabıllaw komissiyası arnawlı sırtqı bo`limlerinin` bakalavriat ta`lim bag`darlarına oqıwg`a qabıl etiwde to`mendegi o`lshemlerge tiykarlanadı:

orta arnawlı, ka`sip-o`ner oqıw orınların tamamlag`anlıg`ı haqqındag`ı hu`jjettin` qosımshasına qaray esaplang`an ortasha balı (ballar 3 (u`sh), 4 (to`rt), 5 (bes) baha ko`rinisinde belgilenedi);

abiturient islep atırg`an oqıw orınlarının` rayon (qala) orayınan uzaqlıg`ı, jaylasqan aymag`ına qarap 2 (eki) ball qosıladı, qala (rayon) orayınan uzaq bolmag`an aymaqta jaylasqan oqıw orınlarına 0 (nol`) ball beriledi;

abiturienttin` is stajı 3-5 jılg`a shekem bolg`anda 1 (bir) ball, 6-10 jılg`a shekem bolg`anda 2 (eki) ball, 11 jıldan artıq bolg`anda 3 (u`sh) ball beriledi;

1. Abiturienttin` diplom qosımshası boyınsha ortasha balı, oqıw orınlarının` alıslıg`ı ha`m is stajına qoyılatug`ın ballar jıyındısı ulıwma ball esaplanadı.
2. Joqarı ha`m orta arnawlı bilimlendiriw ministrligi ha`m Xalıq bilimlendiriw ministrligi ta`repinen joqarı oqıw orınları arnawlı sırtqı bo`limleri bag`darları kesimindegi qabıllaw na`tiyjeleri usı jıldın` 20-sentyabrine shekem Ma`mleketlik komissiyasına kirgiziledi.

4-bap. Abiturientlerdin` hu`jjetlerin ra`smiylestiriw

1. Ma`mleketlik komissiyası ta`repinen abiturientlerdi talabalıqqı usınıs etiw haqqındag`ı qarar usı jıldın` 25-sentyabrine shekem qabıl etiledi.

Joqarı oqıw orınları arnawlı sırtqı bo`limlerine qabıl ha`mme ushın ten` huqıqlılıq jeke qabıllaw qag`ıydaları ha`m de birdem bir tan`law tiykarında a`melge asırılıp, ulıwma balları boyınsha en` joqarı ball toplag`an abiturientler birinshi gezekte qabıl etiliw huqıqı ta`miyinlenedi.

Qabıllaw kvotaları shen`berinen tısqarı bolg`an ha`m ulıwma balları ten` bolg`an abiturientlerdi oqıwg`a qabıl etiwde birinshi gezekte abiturient islep atırg`an oqıw orınlarının` alıslıg`ı ha`m is stajı esapqa alınıp, qabıl kvotasının` 10 payızdan aspawın ta`miyinlegen halda qabıllaw komissiyası ta`repinen a`melge asırıladı.

1. Ma`mleketlik komissiyası qararı tiykarında joqarı oqıw orınları, abiturient ha`m oqıw orınları ortasında belgilengen ta`rtipte 2-qosımshada keltirilgen formadag`ı u`sh ta`repleme sha`rtnamalar ra`smiylestiriledi.
2. Ma`mleketlik komissiya ta`repinen tastıyıqlang`an u`sh ta`repleme sha`rtnama blankaları abiturientlerge Qabıllaw komissiyası ta`repinen baslıq ha`m bas esapshı ta`repinen qol qoyılg`an halda u`sh nusqada beriledi.

Sha`rtnamalar qol qoyılg`annan keyin oqıw usı jıldın` 1-oktyabrinen baslanadı.

1. Abiturientler ta`repinen sha`rtnama tiykarında to`lem usı jıldın` 15-oktyabrine shekem, keyingi jıllar sha`rtnama sha`rtlerinde ko`rsetilgen mu`ddetlerde a`melge asırıladı.

Sha`rtnama sha`rtleri ha`m ta`replerdin` ma`jbu`riyatları, olardın` a`melge asırılıw ta`rtibi nızam hu`jjetlerine muwapıq a`melge asırıladı.

1. Abiturientlerdi oqıwg`a qabıl etiw olar ta`repinen oqıw ushın sha`rtnamada belgilengen qarjı mug`darı o`tkizilgennen son` joqarı oqıw orınlarının` buyrıg`ı menen ra`smiylestiriledi.
2. Oqıwg`a qabıl etilgen talabalarg`a joqarı oqıw orınları ta`repinen oqıw reje ha`m bag`darlamalar, ishki ta`rtip-qag`ıydalar ha`m oqıw protsesine tiyisli basqa ma`seleler boyınsha za`ru`r tapsırma ha`m ko`rsetpeler beriledi.

6-bap. Juwmaqlawshı qag`ıydalar

1. Usı Nızamda belgilengen ma`seleler boyınsha narazılıqlar nızam hu`jjetlerine muwapıq sheshiledi.

Abiturientlerdin` ulıwma balların esaplaw vedomostı

Esletpe: diplom balı 3, 4 yamasa 5 ballar ko`rinisinde belgilenedi;

Abiturient islep atırg`an bilimlendiriw ma`kemesinin` rayon(qala) orayınan alıs ekenligi, jaylasqan aymag`ına qarap 2 (eki) ball beriledi, qala (rayon) orayınan uzaq bolmag`an aymaqta jaylasqan bilimlendiriw ma`kemelerine 0 (nol`) ball beriledi; abiturienttin` is stajı 3-5 jılg`a shekem bolg`anda 1 (bir) ball, 6-10 jılg`a shekem bolg`anda 2 (eki) ball, 11 jıldan artıq bolg`anda 3 (u`sh) ball beriledi.

Derek: www.ndpi.uz