Awır sociallıq jaǵdayǵa túsip qalǵan hayal-qızlarǵa, mayıplıǵı bolǵan, kem támiyinlengen, perzentlerin tolıqsız tárbiyalap atırǵan hám turaq jay sharayatın jaqsılawǵa mútáj analarǵa arzanlastırılǵan turaq jaylar beriw tártibi haqqındaǵı rejeni tastıyıqlaw haqqında Ózbekstan Respublikası Ministrler Kabinetiniń qararı qabıl etildi. Bul haqqında Ádillik ministrliginiń «Huquqiy axborot» kanalında málim etildi.

Usı qararǵa muwapıq:

– awır sociallıq jaǵdayǵa túsip qalǵan hayal-qızlarǵa, mayıplıǵı bolǵan, kem támiyinlengen, perzentlerin tolıqsız shańaraqta tárbiyalap atırǵan hám turaq jay sharayatın jaqsılawǵa mútáj bolǵan analarǵa arzanlastırılǵan turaq jaylardı qurıw 2017-2021-jılları awıllıq jerlerde jańalanǵan úlgi joybarlar tiykarında arzanlastırılǵan turaq jaylar qurıw baǵdarlaması sheńberinde ámelge asırıladı.

Turaq jayǵa mútáj bolǵan hayal-qızlarǵa arzanlastırılǵan turaq jaylar jeńillikli ipoteka krediti tiykarında belgilengen tártipte rayon (qala)lar kategoriyasınan kelip shıǵıp, hár jılı tómendegi kólemde ajıratıladı:

– I kategoriyaǵa kiretuǵın rayonlarda – birewden eki, úsh etajlı imaratlarǵa úylerden (2-3 bólmeli) hám besewge shekem háwlidegi imaratları menen 0,02 gektarlı jer uchastkalarında 2-3 bólmeli bir etajlı turaq jaylardan;

– II kategoriyaǵa kiretuǵın rayonlarda – ekewden eki, úsh etajlı imaratlardaǵı úylerden (2-3 bólmeli) hám segizge shekemgi háwlidegi imaratları menen 0,02 gektarlı jer uchastkalarında 2-3 bólmeli bir etajlı turaq jaylardan;

– I kategoriyaǵa kiretuǵın qalalarda hám Tashkent qalasınıń rayonlarında – altıǵa shekem kóp etajlı imaratlardaǵı úylerden (2-3 bólmeli);

– II kategoriyaǵa kiretuǵın qalalarda – onǵa shekem kóp etajlı imaratlardaǵı úylerden (2-3 bólmeli);

– mayıplıǵı bolǵan hayal-qızlarǵa kóp etajlı arzan úylerdiń birinshi hám ekinshi etajlarındaǵı úyler ajıratıladı.

Qaraqalpaqstan xabar agentligi