Kópshilik azanda erte turıwģa ádetlenbegen. Jáne 5 minut uyqılap alayın dep 1-2 saat uyqıģa ketedi. Sol sebepten oqıwģa yakı jumısqa kesh qaladı. Bul ádetten qalay qutılsaq boladı? Sizge tómendegilerdi usınıs etemiz:
- Budilnikti jatqan jerińizden uzaģıraq qoyıń. Sonda onı óshiriw ushın sizde háreket boladı.
- Keshte uyqıģa ketpesten aldın keminde 2-3 saat aldın awqatlanıń. Kesh awqatlanıw azanda erte turıwıńızģa kesent etedi.
- Uyqıdan turģannan soń bir stakan jıllı suw ishiń. Bul organizimińizdi oyatıwģa járdem beredi.
- Uyqıdan turģannan soń 1 den 5 ke shekem sanań hám ornıńızdan turıp ketiń. Bulda erinshekligińizdi jeńiwge járdem beredi.
- Uyqıģa ketpesten aldın erteń ne islewińiz kerekligin saatı menen jazıp shıģıń. Sonda azanda erte turıwģa háreket etesiz hám jumıslarıńızdı óz waqtında islewge úlgeresiz.
- Sociallıq tarmaqlardan uyqılaw aldınan paydalanıw usınıs etilmeydi. Sebebi bul jaģday sociallıq tarmaqta uzaq múddet qalıp ketiwińizge alıp keliwi múmkin.
Biybisara Jartıbaeva,
QMU dıń málimleme xizmeti hám jámiyetshilik penen baylanıslar tálim baģdarınıń 3-kurs studenti.
Qaraqalpaqstan xabar agentligi