Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Ullı mártebeli Prezident!
Nawrız bayramı qarsańında Qıtay húkimeti hám xalqı atınan, ózimniń atımnan Sizdi hám pútkil Ózbekstan xalqın usı bayram menen shın júrekten qutlıqlawǵa ruqsat etkeysiz.
Sońǵı jıllarda Qıtay-Ózbekstan qatnasıqları jańa strategiyalıq dárejege kóterildi, bul ellerimiz arasındaǵı dástúriy doslıq baylanıslarına jańa turmıslıq kúsh baǵıshladı. «Bir mákan-bir jol» qospa joybarı sheńberindegi eki tárepleme birge islesiw izbe-iz rawajlanbaqta, xalıqaralıq hám regionallıq máselelerdegi óz-ara baylanıslar bekkemlenip barmaqta. Eki tárepleme qatnasıqlardıń jedel rawajlanıwı xalıqlarımız ushın paydalı bolmaqta. Qıtay – Ózbekstan qatnasıqların rawajlandırıwǵa ayrıqsha itibar qaratatuǵınımdı hám Siz benen doslıqtı joqarı qádirleytuǵınımdı jáne bir mártebe atap ótiwge ruqsat etkeysiz
Si Czinpin,
Qıtay Xalıq Respublikası Baslıǵı
* * *
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Prezident, áziz tuwısqanım!
Úlkelerimiz arasındaǵı áyyemgi doslıq, tuwısqanlıq, awızbirshilik hám birge islesiwdi ózinde jámlep, keleshek áwladlarǵa jetkergen Nawrız bayramı múnásibeti menen Siz, Ullı Mártebeli Mırzanı jáne dos hám tuwısqan ózbek xalqın túrk xalqı hám ózimniń atımnan eń jaqsı tileklerim menen qutlıqlayman.
Húrmet penen,
Rejep Tayyip Erdoǵan,
Túrkiya Respublikası Prezidenti
* * *
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Shavkat Miromonovich!
Oyanıw, jasarıw hám jańalanıw máwsimi – Nawrız áyyyamı múnásibeti menen shın júrekten qutlıqlawlarımdı qabıl etkeysiz.
Ellerimiz arasındaǵı bekkem doslıq hám uqsas aǵartıwshılıq qádriyatlarǵa tiykarlanǵan kóp tárepleme qatnasıqlar xalıqlarımızdıń mápleri jolında bunnan bılay da jedel rawajlanatuǵınına isenimim kámil.
Húrmet penen,
Nursultan Nazarbaev,
Qazaqstan Respublikası Prezidenti
* * *
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Shavkat Miromonovich!
Qırǵızstan xalqı hám ózimniń atımnan Sizdi jáne de siziń tımsalıńızda pútkil Ózbekstan xalqın báhár áyyyamı – Nawrız benen shın júrekten qutlıqlayman.
Nawrızdı bayramlaw xalıqlarımız arasındaǵı kóp ásirlik dástúriy doslıq, jaqsı qońsıshılıq hám tuwısqanlıq baylanısların bekkemlewge xızmet etedi.
Birgeliktegi is-háreketler menen Qırǵızstan hám Ózbekstan arasındaǵı óz-ara isenim jáne túsinisiw pirinciplerine tiykarlanǵan qatnasıqlar xalıqlarımızdıń mápleri jolında bunnan bılay da rawajlanıp baratuǵınına isenim bildiriwge ruqsat etkeysiz.
Húrmet penen,
Sooranbay Jeenbekov,
Qırǵızstan Respublikası Prezidenti
* * *
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Shavkat Miromonovich!
Sizdi hám dos Ózbekstan xalqın báhár hám oyanıw áyyyamı – xalıqaralıq Nawrız bayramı menen shın júrekten qutlıqlayman.
Ellerimiz arasındaǵı doslıq hám óz-ara paydalı birge islesiw qatnasıqları bunnan bılay da Nawrızdıń ómirge qızıqtırıwshı ideyalarınan ilhamlanıp, izbe-iz rawajlanıp baradı.
Húrmet penen,
Imomali Rahman,
Tájikstan Respublikası Prezidenti
* * *
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Shavkat Miromonovich!
Qádirdan dostım!
Xalıqaralıq Nawrız áyyyamı múnásibeti menen Sizge hám Siz arqalı tuwısqan Ózbekstan xalqına shın júrekten qutlıqlawlarımdı bildiriwge, abadanlıq hám rawajlanıw tilewge ruqsat etkeysiz.
Bir neshe mıń jıllıq tariyxqa iye Nawrız bayramı miymandoslıq, jaqsı qońsıshılıq dástúrleriniń dawamlılıǵın hám ullı insanıylıq principlerin jámlegen xalıqlarımızdıń aǵartıwshılıq hám mádeniy baylıǵı bolıp esaplanadı.
Tereń húrmet penen,
Gurbanguli Berdumuhamedov,
Túrkmenstan Prezidenti
* * *
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Húrmetli Shavkat Miromonovich!
Ózim hám Ázerbayjan xalqı atınan Sizdi hám Ózbekstan xalqın milliy hám mádeniy-aǵartıwshılıq qádriyatlarımızdı ózinde jámlegen Nawrız bayramı menen shın júrekten qutlıqlayman.
Xalıqlarımızdıń erk-ıqrarı menen biz bunnan bılay da, Ázerbayjan hám Ózbekstan arasındaǵı doslıq jáne birge islesiw baylanısların birgelikte bekkemlep baratuǵınımızǵa isenim bildiriwge ruqsat etkeysiz.
Húrmet penen,
Ilhom Aliev,
Ázerbayjan Respublikası Prezidenti
* * *
Ózbekstan Respublikası Prezidenti
Ullı Mártebeli Mırza Shavkat Mirziyoevqa
Xalıqaralıq Nawrız bayramınıń kirip keliwi múnásibeti menen Awǵanstan xalqı atınan Siz, Ullı Mártebeli Mırza hám dos Ózbekstan xalqına ózimniń eń jaqsı qutlıqlawlarımdı bildiremen.
Uqsas bayramımız benen jáne bir márte qutlıqlaǵan halda, ellerimizdiń arasındaǵı birge islesiw hám baylanıslardıń keńeyetuǵınına isenim bildiremen.
Muhammad Ashraf Ǵani,
Awǵanstan Islam Respublikası Prezidenti
* * *
Sonday-aq, Ózbekstan Respublikası Prezidenti atına
Saud Arabstanı Patshası Salmon ibn Abdulaziz Ol Saud
Saud Arabstanı Patshalıǵınıń miyrasxor shaxzadası,
Bas ministrdiń orınbasarı,
qorǵanıw ministri Muhammed ibn Salmon Ol Saud
Indoneziya Prezidenti Joko Vadodo
Palestina Prezidenti Mahmud Abbos
BAÁ Vice-prezidenti, Bas ministri,
Dubay ámiri Muhammad ibn Roshid Ol Maktum
Awǵanstan atqarıw húkimeti basshısı Abdulla Abdulla
Kavkaz musılmanları mákemesi baslıǵı Ollohshukur Poshshozoda qutlıqlaw jolladı.
Ózbekstan Respublikası Prezidenti atına Nawrız múnásibeti menen shın júrekten qutlıqlawlardıń keliwi dawam etpekte.