Tashkentte “Áhmiyetli shiyki zatlar sektorındaǵı qáwip-qáterlerdi jumsartıw, Oraylıq Aziyada “jasıl” dereklerlerge ótiw hám ósiwdi xoshametlew” atamasında arnawlı ilaj bolıp ótti.
Ilajda taw-kán sanaatı hám geologiya ministri orınbasarı Ural Yusupov, BMShtıń Awǵanstan, Oraylıq Aziya, Iran hám Pakistandaǵı regionallıq wákili Oliver Shtolpe, sonday-aq, Qazaqstan, Qırǵız Respublikası, Túrkmenstan wákilleri qatnastı.
Ilajdıń tiykarǵı maqseti Oraylıq Aziyada áhmiyetli shiyki zat resurslarınan nátiyjeli paydalanıw, regiondaǵı ekologiyanı qorǵaw hám “Jasıl” ekonomikaǵa ótiw processlerin jedellestiriw jolların dodalawdan ibarat.
Regionda “jasıl” ekonomika principlerin qollanıw tek ǵana ekologiyalıq turaqlılıqtı támiyinlewden emes, al jańa jumıs orınların jaratıw hám xalıqaralıq investiciyalardı keńnen tartıw ushın bekkem tiykar jaratatuǵını atap ótildi.
Másláhátlesiwler dawamında regionallıq birge islesiw, ekologiyalıq qáwip-qáterlerdi saplastırıw hám qayta tikleniwshi energiya dereklerine ótiw máseleleri dodalandı. Ilajda shiyki zat resursları tarawındaǵı baslamalar, Oraylıq Aziyadaǵı imkaniyatlar, ekologiyalıq turaqlılıqtı hám sociallıq qáwip-qáterlerdi azaytıw baǵdarındaǵı ámeliy qádemler hám “jasıl” ekonomikaǵa ótiw procesindegi tájiriybeler úyrenildi.
Ilajda regionallıq birge islesiwdi bekkemlew, ekologiyalıq standartlarǵa ámel etiw hám “jasıl” texnologiyalardı engiziwdegi birge islesiw perspektivaları dodalandı. Sonday-aq, ekologiyalıq taza texnologiyalardıń rawajlanıwına qaratılǵan resurslar hám investiciyalardı keńnen tartıw áhmiyetli ekenligi atap ótildi.
ÓzA