«Ózbekkosmos» agentligi tárepinen jıl basınan berli ulıwma 721 gektarǵa shamalas maydanda 1928 nızamsız shıǵındıxana anıqlandı. Bul haqqında agentliktiń baspasóz xızmeti xabar berdi.

Atap ótiliwinshe, olardan 123i yaǵnıy 255,5 gektarı shıǵındı saqlaw poligonları shegarasınan tısqarıǵa shıǵıw, 1805 yaki 465,2 gektarı bolsa nızamsız shıǵındı poligonları sıpatında anıqlanǵan.
Sonıń ishinde:
• Qaraqalpaqstan Respublikasında 243 (63,2 gektar);
• Xorezm wálayatında 168 (22 gektar);
• Buxara wálayatında 92 (91b7 gektar);
• Nawayı wálayatında 216 (112,4 gektar);
• Samarqand wálayatında 147 (41,2 gektar);
• Qashqadárya wálayatında 81 (79b3 gektar);
• Ándijan wálayatında 180 (42 gektar);
• Namangan wálayatında 195 (65,2 gektar);
• Ferǵana wálayatında 164 (51 gektar);
• Tashkent wálayatında 363 (98,6 gektar);
• Jizzaq wálayatında 39 (30,44 gektar);
• Surxandárya wálayatında 40 (20,11 gektar).
«Bunday nızamsız shıǵındı poligonlarınıń shólkemlestiriliwi bárinen burın qorshaǵan ortalıq hám ekologiyaǵa úlken unamsız tásir ótkerip, suw hám hawanıń sapasına unamsız tásir kórsetiwi menen qáwipli. Qalaberdi, zıyanlı zıyankeslerdiń kóbeyiwi, infekciyalıq keselliklerdiń artıwı, adamlarda ókpe ragi hám dem alıw nuqsanlarınıń rawajlanıwına alıp keledi», delinedi agentlik xabarında.

Qaraqalpaqstan xabar agentligi