Xabaringiz bor, joriy yilning 23 sentyabr – 8 oktyabr kunlari Xitoyning Xanchjou shahrida XIX Osiyo o‘yinlari o‘tkaziladi. Mazkur qit’a o‘yinlarida suzish bo‘yicha Eldorbek Usmonov, Behruz Axtamov, Ilya Sibirsov va Yegor Petryakovdan tashkil topgan terma jamoa vatanimiz sharafini himoya qiladi.
Terma jamoamiz a’zolari Osiyo o‘yinlariga tayyorgarlikni jiddiy olib bordi. Suzuvchilarimiz dastlab o‘quv-mashg‘ulot yig‘inini 30 iyul – 24 avgust kunlari Qirg‘izistonning Issiqko‘l shahridagi “Dolen” sport bazasida olib borgan bo‘lsa, ayni damda mashg‘ulotlarning ikkinchi bosqichini poytaxtimizda joylashgan Respublika olimpiya va paralimpiya sport turlariga tayyorlash markazi suzish havzasida o‘tkazmoqda.
Eslatib o‘tamiz, Osiyo o‘yinlarida suzuvchilarimiz 24-29 sentyabr kunlari bahsga kirishadi.
Javohir Toshxo‘jayev,
O‘zA muxbiri