Oʻzbekiston Respublikasi Prezidenti Shavkat Mirziyoyev Rossiya Federatsiyasi Prezidenti Vladimir Putinning taklifiga binoan amaliy tashrif bilan Moskvaga joʻnab ketdi.

Bugun kunning ikkinchi yarmida oliy darajada ikki tomonlama muzokaralar oʻtkazilishi rejalashtirilgan, Oʻzbekiston-Rossiya strategik sheriklik va koʻp qirrali hamkorlik munosabatlarining dolzarb masalalari koʻrib chiqiladi.

Ertaga, 24-iyun kuni davlatimiz rahbari fashizm ustidan qozonilgan Buyuk Gʻalabaning 75 yilligiga bagʻishlangan tantanali tadbirlarda ishtirok etadi.