Osiyo chempionlar ligasi guruh bosqichida Toshkentning “Paxtakor” klubi oʻz maydonida Eronning “Shahr Xodro” jamoasini qabul qildi.
“Paxtakor” markaziy stadionida “Shahr Xodro” jamoasiga qarshi oʻtgan oʻyinda poytaxtimiz klubi 3:0 hisobida zafar quchdi. Oʻyinning birinchi boʻlimi teng kurashlar ostida oʻtdi. Ikkinchi boʻlimning 56-daqiqasida Igor Sergeyev hisobni ochgan boʻlsa, oradan uch daqiqa oʻtib oʻzining ikkinchi goliga mualliflik qildi. 87-daqiqada Jaloliddin Masharipov jarima maydonchasi ichiga oshirib bergan toʻpini Sherzod Aʼzamov boshi bilan raqib darvozasiga joylab qoʻydi.
“Paxtakor” markaziy stadionida “Shahr Xodro” jamoasiga qarshi oʻtgan oʻyinda poytaxtimiz klubi 3:0 hisobida zafar quchdi. Oʻyinning birinchi boʻlimi teng kurashlar ostida oʻtdi. Ikkinchi boʻlimning 56-daqiqasida Igor Sergeyev hisobni ochgan boʻlsa, oradan uch daqiqa oʻtib oʻzining ikkinchi goliga mualliflik qildi. 87-daqiqada Jaloliddin Masharipov jarima maydonchasi ichiga oshirib bergan toʻpini Sherzod Aʼzamov boshi bilan raqib darvozasiga joylab qoʻydi.
Shu tariqa “Paxtakor” klubi ikkinchi turda muhim 3 ochkoni qoʻlga kiritdi. Endi futbolchilarimiz 3-mart kuni safarda Saudiya Arabistonining “Al-Hilol” jamoasiga qarshi oʻynaydi.
Javohir TOSHXOʻJAYEV, OʻzA